म्हारा जन्म - मरण रा साथी।

🕉️🎯👌🏻श्री हरिपुरुषाय नमः🌍🫂

Mhara Janm Maran Ra Saathi

Meera Bhajan मीरा भजन लिरिक्स 

म्हारा  जन्म - मरण  रा   साथी।

थाने  नहीं  बिसरूँ  दिन - राती॥

था  देख्या  बिन कल न पड़त है,

जाणे     म्हारी    छाती ।

ऊँची  चढ़ - चढ़   पन्थ  निहारूँ,

रोये रोये अँखियाँ राती ॥

यो  संसार   सकल   जग   झूठो,

झूठा    कुल   रा   नाती ।

दोऊ कर जोड्याँ अरज करूँ छूँ,

सुण लीज्यो म्हारी बाती ॥

यो   मन   म्हारो   बड़ो   हरामी,

ज्यों मतवाळो हाथी ‌।

सद्गुरु हाथ धरियो  सिर ऊपर,

आकुंश दे समझाती ॥

पल पल पीव को पन्थ निहारूँ,

निरख निरख सुख पाती ।

'मीरा'  के  प्रभु  गिरधर  नागर,

हरि  चरणन  चित्त  राती ॥

जय श्री गुरु महाराज जी की🙏🏻