🕉️🎯👌🏻श्री हरिपुरुषाय नमः 🌍🫂 

Thari bata lage mhane meethi Meera 

थारी बातां लागे म्हाने मीठी म्हारा साँवरिया॥

सास  नणद  म्हारी  जन्म  री  बैरण, 

जळ बळ भई वे अंगीठी॥

सांकरी गली में म्हारा सद्गुरु मिलिया,

किण विध फिरूँ मैं अपूठी॥

आप तो जाय सांवरा द्वारिका में बसिया,

ओ म्हाने ना भेजी एक चिठ्ठी॥

Mewadi rana bhajan su lage Meera mithi 

मेवाड़ी राणा, भजनां से लागे  मीरा मीठी।

उदयपुर राणा, भजनाँ से लागे मीरा मीठी॥

क  तो  मीरा   थारो   राम   बता  दे, 

नहीं तो प्रीति थारी झूठी॥

म्हारो तो राम राणा जी घट घट बोलै, 

थारै हिये की कियाँ फूटी॥

सास नणद  और  दौराणी  जिठाणी, 

जल बल भई अंगीठी॥

थे तो साँवरिया म्हारै सिर का सेवरा, 

म्हें थारै हाथ‌ की अंगूठी॥

सांकरी गली मँ म्हानै सद्गुरु मिलियो, 

किस बिध  फिरूँ  मैं  अपूठी॥

बाई  मीरा  के  प्रभु  गिरधर  नागर, 

चढ़  गयो   रंग  मजीठी

मैं लख चौरासी सूँ छूटी.........