🕉️🎯👌🏻श्री हरिपुरुषाय नमः🌍🫂
Man Re Dekh Budhapo Nedo
स्वामी जी भजन Swamiji lyrics
मन रे देख बुढ़ापो नेड़ो,
भजन करे बिन भलो न होसी,
दूणो माचे बखेड़ो॥
बालपणो हँस खेल गमायो,
फिरे श्वान हरकेड़ो।
दुदकार्यो दूर नहीं होवे,
तड़तो नहीं ताड़ेड़ो॥
आई जवानी हुयो दिवानो,
सिंह फिरे बिचरेड़ो।
सिंह स्वभाव कभी नहीं जावे,
छानो नहीं पकड़ेडो॥
ढली जवानी आयो बुढ़ापो,
जैसे लाग्यो चेड़ो।
रोम रोम में चाले चबड़का,
दीखे करतूत करेड़ो॥
शब्द विचार समझ मन मूरख,
जद टूटे जम बेड़ो।
निज स्वरूप पिछाण्यां बिना,
मिटे न जगत बखेड़ो॥
सद्गुरु शरणो छटपट लेले,
मिले संत सुधरेड़ो।
कहे भैरूराम समझ मन मेरा,
जल्दी करले नमेड़ो॥